ماحدش يلومني ولا يعتب عليا .... دا حتى السجاير كتير عليا
ابويا : سجاير يا واطي يا ابن ال.............
انا : يلهوي ابويا ..........
ابويا : اللى انتا بتعمله ده
انا : انا بغني للسجاير .... هو الدخان خنقك ولا ايه ؟
ابويا : دخان يا واطي يا فاشل ايه اللى انتا عامله ده
انا : برسم على الحيطة شجرة علتنا يمكن يطلع فيها حد كبير ولا حاجة
ابوا : تقوم تبوظ الحيطة كده ..
انا : اعملك ايه ما انتا اب فقري من يومك كل صحابي عندهم عربيات وانا عندي كوتشي لوتو
ابويا : طيب وايه لذمتها شجرة العائلة اللى انتا راسمها على الحيطة دي
انا : يمكن يطلع فيها حد غني ولا حاجة بدل الفقر ده .
وفى سنة 2008
انا : ابويا ........؟
ابويا : عاوز ايه يا ابو السيد ؟
انا : انا عاوز اتجوز ؟
ابويا اغمي عليه ....................
انا : يلا قضاء وقدر اروح اخد يوسف معايا عشان نتقدم للعروسة واطلبها من ابوها
وبعد ما رحت ليوسف البيت
يوسف: مين اللى على الباب ...؟
انا : ياد بطل ظرف انا ابو السيد
يوسف : طيب اعمل ايه انا يعني ؟؟؟
انا : ياد يا غبي افتح الباب ....
يوسف : ماما قالتلي بص من العين السحرية الاول
انا : خلاص بص من العين السحرية وافتحلي الباب
وبعد نص ساعة فتح يوسف الباب
انا : انتا بتدخل باس ورد عشان تفتح الباب ......... ارحمني يا بني
ومرة واحد لقيت يوسف عنيه نورت وقالي
يوسف : ايه دا كله ايه ده كله ....؟
انا : مالك ياد ؟
يوسف : انتا رايح تتجوز ولا ايه.......... ايه اللبس الجامد ده ؟
انا : اه ........... ايه رأيك ..... عجبك الشروت ؟
يوسف : جامد طحن بالذات الرباط الازرق اللى نازل منه ده
انا : طيب يلا اجهز بقى عشان اروح اتجوز يلا عشان مستعجل .... يارب يعجب ابو العروسة
يوسف : طيب ثواني اروح اشوف ترنج نضيف اجي بيه معاك
انا : ترنج ............ ليه ريحين ننام ؟
يوسف : أومال رايحين فين ؟ انا شيفك لابس شورت
انا : ياعم البس اى حاجة بدل مايجي حد يخطف مننا العروسة .
وبعد 4 ساعات رحنا لبيت العروسة
ابو العروسة فتحلنا الباب
ابو العروسة : اتفضل يا بني اتفضل ...
انا : الله يزيد فضلك ياعمو
يوسف بصوت واطي : ايه الاحترم ده يا ابو السيد .
انا : اسكت الله يكسفك هاتفضحني ؟
ودخلنا انا ويوسف الصالون وقعدنا
ابو العروسة : منور يا ابو السيد ..؟
انا : بنورك يا عمي ..........
ومرة واحدة لقيت يوسف اتقلب وبيتكلم
يوسف : بص بقي ياعمي احنا نتكلم جد شوية
ابو العروسة : ليه يا بني انتا شيفني بهزر .؟
يوسف : لا مش القصد خلينا فى المهم انا جي اطلب ايد ابنك ابو السيد ل بنتي سعاد
انا : الله يخربيتك يا يوسف سعاد مين
يوسف : اومال العروسة اسمها ايه ..
ابو العروسة : وانا موافق
انا : موافق على ايه يا عمي هو انتا عرفت مين هي اساسا
يوسف : يلا يا ابو السيد على بركة الله اهي عروسة وخلاص
وبص يوسف لأبو العروسة وقاله
: على بركة الله يا عمو احنا برضه مش هانلاقي ناس احسن منكم يلا نقرا الفاتحة ..
انا : فاتحة ايه بس .......... ياعمي انا جي اتقدم لبنتك .....
ابو العروسة : طيب اقرا الفاتحة الاول وبعدين نشوف انتا عاوز مين فيهم .
انا : هو انا جي اشتري موبيل
يوسف : اقرا الفاتحة بقى يا ابو السيد...
رفعت ايدي للسماء ودعايت
الله يخدك يا يوسف .... كان يوم اسود يوم ماعرفتك .... الهي وانتا ماشي يقع عليك برج الدلو يغرقك ... ولا برج الاسد يقرقشك
يوسف : هما غيروا الفاتحة ولا ايه ؟؟؟
انا : اسكت اسكت ....انا خلاص مستقبلي راح بسببك ..
وبعد شوية ابو العروسة بصلي جامد وقالى
ابو العروسة : ايه امكانياتك بقى يا بني معاك ايه ؟
انا : معايا 6600
ابو العروسة : نعم .........
انا : اه معايا ليسانس حقوق
ابو العروسة : بسم الله ما شاء الله
انا بكل احراج : الله يكرمك يا عمي
ابو العروسة : وياتري شغال ...
ومرة واحد دخل يوسف بغتته فى الكلام
يوسف : لا ياعمي معقول برضه ابو السيد ينزل يشتغل ......
انتا ما قرتش فضيلة المفتي قال ايه النهاردة ولا ايه
ابو العروسة : لا والله يا بني ؟........ هو قال ايه ؟
يوسف : الشغل حرام شرعا
ابو العروسة : امتي الكلام ده .... وحرمه ليه ؟
يوسف : شكلك مش مصدق ياعمي ...اقولك انا
مش المفروض الواحد يشتغل عشان يعيش ويبني مستقبله
ابو العروسة : اه صح كده
يوسف : ومش حرام برضه الواحد يعرف علم الغيب اللى هو المستقبل
ابو العروسة : عندك حق يابني
:يوسف : يبقى ها يشتغل ليه .............؟
ابو العروسة : لالالالا ........ يابني كلامك صح
ابو العروسة سألني تاني .
: طيب يا بني عندك شقة
انا : بصراحة يا عمي لا
وبرضه دخل يوسف بلباقة عشان يرد على ابو العروسة
يوسف : ايه ياعمي انتا ما تعرفش ان ابو السيد عايش مع ابوه وامه
ابو العروسة : ايوا طبعا
يوسف : طيب يرضيك انتا هو يتجوز ويسيبلهم البيت
ابو العروسة : وفيها ايه دي
يوسف : ياعمي بقى شكلك ماقرتش الدستور الجديد
ابو العروسة : ماله الدستور الجديد
يوسف : المادة 55 لسنة 2008 قبل الميلاد بتقول ملكية الشعب ملكية عامة
ابو العروسة : يعني ايه ؟
يوسف : يعني ابو السيد لو بقى عنده شقة هيبقى اللى رايح واللى جاي شايفه وممكن يدخل يقعد معاه فى البيت عادي واحتمال يسكن معاه ماهي مكلية عامه بقى
ابو العروسة : وانا ما يرضنيش ............ هو يعيش مع ابوه وامه احسن
يوسف : الله ينور عليك يا عمي ..
يوسف بهمس فى ودني
تصدق ياد ابو العروسة ده راجل بيفهم وشكله واعي اوي ...
انا : اه شكله طيب جدا
ابو العروسة ..
طيب يا ولاد ايه رأيكم تتغدوا معانا وبعدين نرجع نكمل كلامنا
قمنا عشان نتغدي ....
واحنا قعدين بنتغدي
ابو العروسة : ايه رأيكم يا ولاد نتفرج على خطاب الريس نشوف ايه الجديد
وشغل ابو العروسة التلفزيون ؟
انا : ايه ده اول مرة اشوف الريس فى التلفزيون
يوسف : هو مش خايف حد يرمي علي التلفزيون حاجة تكسر الشاشة ولا ايه
انا : لا ياعم الريس بقى شجاع اوي الايام دي
واذا برئيس الجهورية يخرج بصوته الجاشع الخاشع الملتهب
ابو العروسة : ركزوا بقى يا ولاد عشان نشوف الريس هايقول ايه
الريس : بسم الله الرحمن الرحيم
بارك الله فيكي يا مصر وفى اهلك فقد تمكنت قواتنا من الانتحار وسد ترعه المحمودية
وكده يبقى خلصنا على ترعه مالهاش لزمة
وبالنسبة للعيش فقد قررنا تزويد كل فرن ببلطجي لسرقة العيش من المواطنين عافيه ومش بالزوق
وبالنسبة بقى للشباب الفاضي واللى عاوز يتجوز
فقد اصدر فضيلة المفتي
فتوي حرم فيها الزواج شرعا حتى لا يستقيم شبابنا
عاوزين انحراف كمان وكمان
انا : الله يكرمك يا ريس هو ده الكلام ...
يوسف : يا بختك يا ابو السيد ...............
ابو العروسة : مالك يا بني انتا وهو فرحنين كده
يوسف : ها ننحرف ياعمي ها ننحرف
ابو العروسة : عمار يا مصر عمار يا مصر ومات ابو العروسة
انا : الحق يا يوسف اتصلنا بالاسعاف
جري يوسف على التليفون
يوسف : الاسعاف مشغولة يا ابو السيد
انا : يعني ايه الراجل ها يروح مننا
وماتت رابعه ومات ابو العروسة ولما عرض المسلسل على المشاهدين دفعوا جميعا ثمن خيانتهم
كان قدامك تبقى اى حاجة غير مصري ليه اخترت مصري بالذات
وعلى رأي الحاجة شرين ماشربتش من نيلها ........
وفى الاخر تروح تضع حملها فى الولايات المتحدة عشان المولود ياخد الجنسية الامريكية
وللأسف اللى بيبع بلده عمر ما بيلاقي اللى يشتريه
لو لم اكن مصريا لودت ان اكون باناسونيك
منقوووووووول
الجمعة يوليو 18, 2008 4:01 am
