reham medhat
مشرف
المساهمات : 12
تاريخ التسجيل : 18/06/2008
 | موضوع: رباعيات صلاح جاهين  الخميس يونيو 19, 2008 8:25 am | |
| صلاح جاهين عجبي
خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!
و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!
أحب أعيش ولو في الغابات
أصحي كما ولدتني أمي و ابات
طائر .. حوان.. حشرة .. بشر ..بس أعيش
محلا الحياة.. حتي في هيئة نبات
عجبي !!
سهير ليالي و ياما لفيت و طفت
و ف ليه راجع في الضلام قمت شفت
الخوف ... كأنه كلب سد الطريق
و كنت عاوز أقتله .. بس خفت
عجبي !!
كان فيه زمان سحليه طول فرسخين
كهفين عيونها و خشمها بربخين
ماتت لكين الرعب لم عمره مات
مع إنه فات بدل التاريخ تاريخين
عجبي !!
عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!
رقبه قزازة و قلبي فيها انحشر
شربت كاس و اتنين و خامس عشر
صاحبت ناس م الخمرة ترجع وحوش
و صاحبت ناس م الخمرة ترجع بشر
عجبي !!!!
ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!
ورا كل شباك ألف عين مفتوحين
و انا وانتي ماشيين يا غرامي الحزين
لو التصقنا نموت بضربة حجر
و لو افترقنا نموت متحسرين
عجبي !!!
نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!
علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
عجبي !!
انا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي !!!
ينبوع و في الحواديت أنا سمعت عنه
إنه عجيب .. و ف وسط لهاليب لكنه
شقيت كما الفرسان طريقي .. لقيت
حتي الخنازير و الكلاب شربوا منه
عجبي !!!!
يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
عجبي !!!
كام اشتغلت يا نيل في نحت الصخور
مليون بئونه وأَلف مليون هاتور
يا نيل أنا ابن حلال ومن خِلفتك
وليه صعيبه عليّ بس الأمور
عجبي!!
خرج ابـن آدم مـن العـدم قلـت : iiيـاه
رجـع ابـن آدم للعـدم قـلـت : iiيــاه
تـراب بيحيـا ... وحـي بيصيـر iiتـراب
الأصـل هـو الـمـوت و الا الحـيـاه ii؟
عـــــجــــــبــــــي ii!!!
ضريـح رخـام فيـه السعـيـد iiانـدفـن
و حفره فيهـا الشريـد مـن غيـر iiكفـن
مريـت عليهـم .. قلـت يــا iiللعـجـب
لاتنيـن ريحتهـم لهـا نـفـس iiالعـفـن
عـــــجــــــبــــــي ii!!!
ياما صادفت صحـاب و مـا iiصاحبتهمـش
و كاسات خمور و شراب و ما iiشربتهمـش
أنـدم علـي الفـرص اللـي انـا iiسبتهـم
و الا علي الفـرص اللـي مـا iiسبتهمـش
عـــــجــــــبــــــي ii!!
و الكون ده كيف موجود من غيـر iiحـدود
و فيـه عقـارب ليـه و تعابـيـن iiودود
عالـم مجـرب فـات و قـال iiسـلامـات
ده يامـا فيـه سـؤالات مـن غيـر iiردود
عـــــجــــــبــــــي ii!!!
أنـا شـاب لكـن عمـري ألـف iiعــام
وحيـد لكـن بيـن ضلـوعـي iiزحــام
خايـف و لكـن خـوفـي مـنـي أنــا
أخـرس و لكـن قلبـي ملـيـان كــلام
عـــــجـــــبــــــي ii!!!!
يا بـاب يـا مقفـول ... إمتـي iiالدخـول
صبـرت يامـا و اللـي يصـبـر iiيـنـول
دقيت سنين ... و الرد يرجع لي : ميـن ii؟
لو كنت عـارف ميـن أنـا كنـت iiأقـول
عـــــجــــــبــــــي ii!!!
أحـب أعيـش ولــو فــي iiالغـابـات
أصحـي كمـا ولدتنـي أمــي و ابــات
طائر .. حوان.. حشرة .. بشر ..بس أعيش
محلا الحيـاة.. حتـي فـي هيئـة iiنبـات
عـــــجــــــبــــــي ii!!
سهيـر ليالـي و يامـا لفيـت و iiطـفـت
و ف ليه راجع في الضـلام قمـت iiشفـت
الخـوف ... كأنـه كلـب سـد iiالطريـق
و كنـت عـاوز أقتلـه .. بـس iiخـفـت
عـــــجــــــبــــــي ii!!
كان فيه زمان سحليـه طـول iiفرسخيـن
كهفيـن عيونهـا و خشمهـا iiبربخـيـن
ماتت لكيـن الرعـب لـم عمـره iiمـات
مـع إنـه فـات بـدل التاريـخ تاريخيـن
عـــــجــــــبــــــي ii!!
عجبتنـي كلمـة مـن كــلام iiالــورق
النور شرق مـن بيـن حروفهـا و iiبـرق
حبيت أشيلهـا ف قلبـي .. قالـت حـرام
ده أنـا كـل قلـب دخلـت فيـه iiاتحـرق
عـــــجــــــبــــــي ii!!!
رقبـه قـزازة و قلبـي فيهـا iiانحـشـر
شربت كـاس و اتنيـن و خامـس iiعشـر
صاحبت ناس م الخمـرة ترجـع iiوحـوش
و صاحبت ناس م الخمـرة ترجـع iiبشـر
عـــــجـــــبــــــي ii!!!!
ليه يـا حبيبتـي مـا بيننـا دايمـا iiسفـر
ده البـعـد ذنــب كبـيـر لا iiيغـتـفـر
ليه يا حبيبتـي مـا بيننـا دايمـا iiبحـور
أعـدي بحـر ألاقــي غـيـره iiاتحـفـر
عـــــجــــــبــــــي ii!!!
ورا كـل شبـاك ألـف عيـن iiمفتوحيـن
و انا وانتي ماشيين يـا غرامـي iiالحزيـن
لـو التصقنـا نمـوت بضـربـة iiحـجـر
و لـو افترقـنـا نـمـوت iiمتحسـريـن
عـــــجــــــبــــــي ii!!!
نـوح راح لحالـه و الطوفـان استـمـر
مركبنـا تايهـه لسـه مـش لاقيـه iiبـر
آه م الطوفـان وآهيـن يـا بـر iiالأمـان
إزاي تبـان و الدنـيـا غرقـانـه iiشــر
عـــــجــــــبــــــي ii!!
علي رجلي دم .. نظرت لـه مـا iiاحتملـت
علي إيدي دم.. سألت ليـه ؟ لـم iiوصلـت
علي كتفي دم.. و حتـي علـي رأسـي iiدم
أنا كلـي دم .. قتلـت ؟ ..... والا iiاتقتلـت
عـــــجــــــبــــــي ii!!
انا كل يوم أسمـع ........ فـلان iiعذبـوه
أسـرح فـي بغـداد و الجزايـر iiواتــوه
ما أعجبش م اللي يطيق بجسمـه iiالعـذاب
و اعجب من اللـي يطيـق يعـذب iiأخـوه
عـــــجــــــبــــــي ii!!!
ينبوع و في الحواديت أنـا سمعـت iiعنـه
إنه عجيب .. و ف وسـط لهاليـب iiلكنـه
شقيت كمـا الفرسـان طريقـي .. لقيـت
حتي الخنازيـر و الكـلاب شربـوا iiمنـه
عـــــجـــــبــــــي ii!!!!
يا قرص شمـس مـا لهـش قبـة iiسمـا
يـا ورد مـن غيـر أرض شـب و iiنمـا
يـا أي معنـي جميـل سمعـنـا iiعلـيـه
الخلـق ليـه عايشيـن حيـاه iiمؤلـمـة
عـــــجــــــبــــــي ii!!!
كام اشتغلت يا نيـل فـي نحـت iiالصخـور
مليـون بئونـه وأَلـف مليـون هـاتـور
يا نيـل أنـا ابـن حـلال ومـن iiخِلفتـك
وليـه صعيبـه علـيّ بــس iiالأمــور
عــــــجــــــبــــــي!!
| |
|
